ស្នេហាបរិសុទ្ធ (ត)

សាកល្បងតែងកំណាព្យមនោសញ្ចេតនា

ស្នេហាបរិសុទ្ធ (ត)

ក្លើចំអកថាប្រុសកំសាក

ចិត្តចង់សិក្ខាក្បួនសាសង

គូសង្សារដូចអូននឹងបង

ក្នុងបំណងត្រងពាក្យភ្នកស្នេហ៏។

តែខ្លាចក្រៀមក្រមសណ្តំចិត្ត

អោយរឹតកើតទុក្ខក្នុងឱរា

មិនដឹងថ្លែងអ្វីជាមួយផ្កា

ប្រាថ្នាអីផងពេលឃើញភក្ត្រ។

ក្លើសើចឃើញប្រុសដង្ហើមភាំង

ភេ្លចភ្លាំងឆ្វេងស្តាំអន្ទះសា

ពេលឃើញបុប្ភាពីចម្ងាយ

ជិតឆ្ងាយលែងដឹងផ្លូវត្រូវដើរ។

លង់លុះចង់ជួបពៅពិសី

តែចិត្តបេតីខ្លាចកុលាប

មិនចោលនេត្រាមកប្រុសថ្កាន

ជាឋានមោទនារួមមោហៈ។