កំណាព្យ: ចំនួប ពេល ប្រភាត

កំណាព្យ

ចំនួប ពេល ប្រភាត

សូរ្យយាងឆាប់មកដល់  ពេលចន្ទនៅសល់

ខ្យល់ផ្តល់ត្រជាក់។

ឃើញវិភាករ ចន្ទវាក់  វេលាណាជាក់

ត្រូវលាក់កាយពួន។

ញញឹមដាក់គ្នាព្រោះជួប  នៅពេលជួន

អៀនខ្លួនហួសស្មាន។

អាចជួបពេលប្រភាតបាន  ឃើញភក្រ្តនិងប្រាណ

សន្តានគ្នាសោត។

មួយនាទីស្មើនឹងកោដិ  លួចអរប្លោត

គួរកោតធម្មជាតិ។

បង្កើតចៃដន្យច្បាប់ជ្រៀត   ឲចន្ទបានបៀត

នឹងញាតិវង្សតន់។

ឧប សៅ សង្ហា

ពន្យល់ពាក្យ : វិភាករ, ព្រះអាទិត្យ។  សន្តានសោត, ជាគ្រួសារសោះ ; en plus, c’est de la famille។  ប្លោត, យ៉ាងខ្លាំង ; vivement។  ជ្រៀត, បន្ថែម ; ajouter។  តន់, ជាទីស្រឡាញ់ ; bien aimé។